Sunday , November 29 2020
shivahari_poudel_lesVqyD1xf

कलाकार शिवहरि पौडेललाई मातृ शोक

काठमाडौं: चर्चित हास्यकलाकार तथा निर्देशक शिवहरि पौडेललाई मातृशोक परेको छ । उनी एकसय वर्षीया आमा गंगादेवी पौड्यालको गत राति ११ बजे निधन भएको हो ।आमाको निधन भएको दुःखद समाचार कलाकार पौडेलले सामाजिक सञ्जाल मार्फत शेयर गर्दै आमालाई सय बर्ष माथि बचाउन नसकेको दुःख पोखेका छन् ।

उनले फेसबुकमा लेखेका छन् – ‘दुःखद् खबर लेख्न बाध्य भएँ आमा । एउटा छोराले गर्ने कर्तव्य मैले गरेँ कि गरिनँ, मलाई थाहा छैन आमा । १०० वर्षसम्म आफ्ना परिवारलाई संरक्षण दिनु भो, त्यसपछि हजुरलाई बचाउन सकिएन आमा, मलाई माफ गर्नुहोला । स्वर्गमा वास होस् मेरी प्यारी आमा ।’

कलाकार पौडेलले देशविदेशमा भएका सम्पूर्ण आफन्तजनहरुको जानकारीको लागि उक्त दुःखद् खबर आफैले फेसवुक मार्फत सार्वजनिक गर्ने बाध्य भएको समेत वालमा राख्न वाध्य भएको उल्लेख गरेका छन् । उनले अन्त्यमा लेखेका छन् ‘आमा, फेरि पनि मलाई माफ गर्नुहोला’ । पौडेलको आमाको निधन प्रति विभिन्न कलाकारहरुले सामाजिक सञ्जाल मार्फत शोक ब्यक्त गरिरहेका छन् ।

Check Also

rajaram-poudel-also-flim-producer-84076

पाँडे र पौडेललाई भैरव पुरस्कार

नेपाली हाँस्यव्यङ्ग्य साहित्यका शिखर पुरुष भैरव अर्यालको स्मृतिमा स्थापित भैरव पुरस्कार र भैरव प्रतिभा पुरस्कार …